好彩港式茶餐厅(乐峰广场店)

位置：工业大道乐峰广场2楼
环境：环境算几好
服务：过得去
出品：以粤式点心为主，出品几精致
交通：地铁8号线沙园站A出口

间店喺乐峰广场嘅2楼，都几好揾嘅。
哩度人超多，11点几去已经好多人喺度等位啦。如果唔介意搭枱嘅话会快D。
哩度嘅环境都算OK，茶餐厅嘅装修，几光猛。服务过得去啦，客人太多有少少甩漏都可以原谅嘅。
出品方面主要以粤式点心为主，喺传统嘅点心上做咗啲创新，既保留咗传统嘅味道又有创新、吸引嘅外形。
1、黑松露带子海皇饺（精点）：外形做到一只兔仔咁样，几可爱嘅。味道方面，喺传统嘅虾饼上加入黑松露几带子，带有淡淡嘅松露香味同爽口弹牙嘅口感。缺点：皮稍厚少少。点评：四粒星。推荐
2、Q版河马咸水角（中点）：外形做到一只河马咁样，几得戚。皮脆馅多，味道唔错。点评：四粒星。推荐
3、雪映麦片不切糕（特点）：外层係脆脆嘅麦片，入边係依依韧韧嘅椰汁糕（冻的）。食落淡淡嘅椰汁清香，几清新。点评：四粒星。推荐
4、香煎千层姜汁糕（大点）：外层煎得几香脆，入边好软熟，姜汁味几香。点评：三星半。推荐
5、养生牛肝菌烧卖皇（精点）：普通嘅干蒸烧卖加上牛肝菌，中和咗烧卖嘅肥腻，有淡淡嘅菌香。点评：三星半。推荐
6、XO酱炒萝卜糕（18元）：味道都几好，如果钟意食萝卜糕嘅朋友可以试下。
7、农家杂粮糕（中点）：有小麦、小米、燕麦等杂粮。味道可以又健康。钟意食杂粮嘅朋友可以试下。
8、无穷山泉鲍汁凤爪（精点）：凤爪做得几入味，但无乜惊喜。不过不失吧。

附上各款点心售价：小点7元；中点11元；大点15元；特点18元；美点22元；顶点25元；精点28元。

以前有好彩酒家，宜家就有好彩茶餐厅。不过好彩茶餐厅噶出品就比好彩茶餐厅好好多啦，起码新鲜好多。
星期三早上十点几去，不算多人，有好几张台，唔使等位。
上菜都几快，不过服务员就有好几次落漏单啦。
见到隔离台要左个泰式咖喱牛河，我地都个来食。味道不错，不过汁太浓，有d腻。牛肉数量ok，唔似其他酒楼得几片。牛肉应该无落点食用粉，以为唔会滑得好假。
养生荞麦鱼腐，味道比较清淡，有点荞麦口感几特别。鱼腐就比较硬身，感觉未煮透。
萝卜糕，唔系几好食，唔推荐。
葡挞一般，皮比较厚，唔够酥。
后来再追加左个方鱼炒芥兰，好一般，炒的唔够其他地方好，方鱼噶香味无出到来。